पाँचौं दिन लगातार सेयर बजार घट्यो, ६ अर्ब ९६ करोडमा कारोबार

काठमाडौं । सोमबार सेयर बजारको परिसूचक नेप्से १० अंकले घटेर दुई हजार ६ सय ७७ अंकमा कायम भएको छ ।

सोमबारसहित लगातार पाँचौं दिन बजार घट्दा कारोबार रकम पनि घटेको हो। अघिल्लो दिन आठ अर्ब ३९ करोडको कारोबार भएकोमा आज ६ अर्ब ९६ करोडले कारोबार भएको छ ।

७७ कम्पनीको मूल्य बढ्दा ६ वटा कम्पनीको मूल्य स्थिर रहेको छ । घट्दो बजारबिच आज १३ वटा समूहमध्ये ११ वटा समूहको सूचकमा गिरावट आएको छ । यसमध्ये सबैभन्दा धेरै फाइनान्स समूहमा गिरावट आएको छ । अन्य समूह र व्यापारमूलक समूहको सूचक भने सामान्य बढेको नेप्सेको तथ्यांक रहेको छ ।

न्यादी हाइड्रोपावर र गार्डियन माइक्रोलाइफ इन्स्योरेन्सको मूल्य १० प्रतिशत बढ्यो । त्यस्तै बोटलर्स नेपाल बालाजु र उपकार लघुवित्तको मूल्य १० प्रतिशतले घटेको छ । कारोबार रकमका आधारमा नेपाल रिपब्लिक मिडिया, सीएचडीसी, सप्तकोशी विकास बैंक, एनआरएन इन्फ्रास्ट्रक्चर र नेपाल पुनर्बीमा कम्पनी क्रमशः अगाडि रहेका छन् ।