एयरलाइन्सहरुले लुट मच्चाएपछि प्राधिकरणले तोक्यो हवाई भाडादर, बढी भाडा लिए कारबाही गर्ने चेतावनी !

काठमाडौं । चाडपर्वको अवसर पारेर एयरलाइन्सहरुले लुट मच्चाइरहेको बेला नेपाल नागरिक उड्डयन प्राधिकरणले नयाँ भाडादर तोकेको छ ।
प्राधिकरणका अनुसार काठमाडौं विराटनगर भाडा ९ हजार ७८५ तय भएको छ । यस्तै काठमाडौं भरतपुरको ४ हजार ६४३, काठमाडौं भद्रपुर १२ हजार ११२, जनकपुरको ५ हजार ४७०, पोखराको ६ हजार ६३५ र नेपालगन्जको १३ हजार १०३ रुपैयाँ तय भएको छ ।
यस्तै काठमाडौं धनगढीको १७ हजार ५७९, सिमराको ३ हजार ९७८, भैरहवाको ८ हजार ४६१, राजविराजको ८ हजार २१०, सुर्खेतको ९ हजार ३० र तुम्लिङ्टारको ७ हजार ६३० रुपैयाँ तय भएको छ ।
तय भएको दरभन्दा बढी रकम लिएर टिकट विक्री गरेको पाइएमा कानूनअनुसार कारबाही प्रक्रिया अगाडि बढाइने प्राधिकरणले जनाएको छ ।