April 20, 2021, Tuesday
२०७८ बैशाख ७

प्रधानमन्त्रीद्वारा मन्त्रिपरिषद् पुनर्गठन, तीन मन्त्रालयमा मन्त्री नियुक्त

प्रधानमन्त्रीद्वारा मन्त्रिपरिषद् पुनर्गठन, तीन मन्त्रालयमा मन्त्री नियुक्त

काठमाडौं-सत्तासिन नेपाल कम्युनिष्ट पाटी नेकपाका अध्यक्ष तथा प्रधानमन्त्री केपी शर्मा ओलीले आफ्नो नेतृत्वको मन्त्रीपरिषद् पुनर्गठन गर्नुभएको छ । उहाँले हाल केही समयदेखि रिक्त रहेका तीन वटा मन्त्रालयमा तीन जना मन्त्रीहरु नियुक्त गर्नुभएको हो ।

प्रधानमन्त्री ओलीले १२ औं पटक मन्त्रिपरिषद् विस्तार गर्दै रिक्त रहेका अर्थ मन्त्रालय, सञ्चार तथा सूचना प्रविधि र सहरी विकास मन्त्रालयमा मन्त्री नियुक्त गर्नुभएको छ । दुई मन्त्रीको जिम्मेवारी पनि उहाँले हेरफेर गर्नुभएको छ । अर्थ मन्त्रीमा विष्णु पौडेल, सहरी विकास मन्त्रीमा काठमाडौंका कृष्णगोपाल श्रेष्ठ र महिला बालबालिका तथा ज्येष्ठ नागरिक मन्त्रालयमा सिराहका लिलानाथ श्रेष्ठलाई नियुक्त गर्नुभएको छ ।

तीनै जना मन्त्रीलाई प्रधानमन्त्रीको सिफारिसमा राष्ट्रपति विद्यादेवी भण्डारीले नियुक्त गर्नुभएको राष्ट्रपति कार्यालयद्वारा जारी विज्ञप्तीमा भनिएको छ । मन्त्रीहरु नियुक्त गर्नुअघि प्रधानमन्त्री ओलीले पार्टीका कार्यकारी अध्यक्ष पुष्पकमल दाहाल, प्रचण्डसँग बालुवाटारमा साढे दुई घण्टा लामो छलफल गर्नुभएको थियो । निरन्तर छलफल गरेर उहाले नयाँ मन्त्रीको छनोट गर्नुभएको हो । नवनियुक्त मन्त्रीहरुको सपथ आजै साँझ वा भोली विहान गराउने तयारी भएको छ ।

भर्खरै

लोकप्रिय