May 6, 2021, Thursday
२०७८ बैशाख २३

अख्तियारले स्टिङ अपरेशनका आधारमा दायर गरेका ४ सय भ्रष्टाचारका मुद्दा खारेज हुदै

अख्तियारले स्टिङ अपरेशनका आधारमा दायर गरेका ४ सय भ्रष्टाचारका मुद्दा खारेज हुदै

काठमाडौं । सर्वोच्च अदालतको संवैधानिक इजलासले अख्तियारले स्टिङ अपरेशन गरेर संकलित प्रमाण ग्रहण योग्य नरहेको बताउँदै सुनुवाइ भइसकेका वा न्यायिक प्रक्रियामा रहेका सबै मुद्दाहरु खारेज गर्न आदेश दिएको छ ।

सर्वोच्च अदालतको यो निर्णयसँगै अख्तियार दुरुपयोग अनुसन्धान आयोगले स्टिङ अपरेशनका आधारमा मात्रै दायर गरेका ४ सय मुद्दा खारेज हुने भएका हुन् ।

बुधबार बशेको सर्वोच्च अदालतको संवैधानिक इजलासको आदेशमा भनिएको छ, ‘स्टिङ अपरेशन फौजदारी न्यायको मान्य सिद्धान्त, कानूनको उचित प्रक्रिया र प्रमाण संकलन सम्बन्धी न्यायिक मान्यताका दृष्टिले समेत मनासिव र तार्किक देखिएन । उक्त प्रावधान अनुसन्धान अधिकारीलाई स्वेच्छाचारी तवरबाट कार्य गर्न प्रोत्साहित गर्ने प्रकृतिको समेत देखियो ।’

अदालतको आदेशसँगै बदर भएका मुद्दामध्ये अधिकांश २०७० सालपछिका छन् । लोकमान सिंह कार्की प्रमुख आयुक्त भएयता अख्तियारले स्टिङ अपरेशनलाई अभियानकै रुपमा सञ्चालन गरेको थियो ।

स्टिङ अपरेशनविरुद्ध अधिवक्ता विष्णुप्रसाद घिमिरेले सर्वोच्च अदालतमा रिट दायर गरेका थिए ।

भर्खरै

लोकप्रिय