प्रधानमन्त्री देउवा र प्रचण्डबिच छिट्टै मन्त्रीपरिषद् बिस्तार गर्नेबारे छलफल

काठमाडौँ , भदाै १२– गठबन्धन सरकारलाई पूर्णता दिन असफल भएको चाैतर्फी टिकाटिप्पणी भइरहँदा प्रधानमन्त्री शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल प्रचण्डबिच मन्त्रीपरिषद बिस्तारबारे छलफल भएको छ ।

सत्ता सहभागी दुई शिर्ष नेताहरुबिच शनिबार बिहान प्रधानमन्त्री निवास बालुवाटारमा छलफल भएको हो ।

सरकार बिस्तारका विषयमा छलफल भएको माओवादी केन्द्रका अध्यक्ष प्रचण्डको सचिवालयले जनाएको छ । सरकारलाई जति सक्दो चाँडो पूर्णता दिने तयारी रहेको छ ।

माधवकुमार नेपाल नेतृत्वको नेकपा (एकीकृत समाजवादी) ले सरकारमा जाने निर्णय गरेसँगै सरकार बिस्तारले अब चाँडै मूर्तरुप लिने सत्तारुढ पार्टी निकटस्थ नेताहरुले बताएका छन् ।