प्रधानमन्त्रीले भेटे विपिनका आमा–बुवालाई

काठमाडौं । प्रधानमन्त्री पुष्पकमल दाहाल ‘प्रचण्ड’ ले हमासको नियन्त्रणमा रहेका विपिन जोशीका आमा–बुवालाई भेटेका छन् । दाहालले शुक्रबार धनगढी विमानस्थलमा विपिनका आमा–बुवासँग भेटेर कुराकानी गरेका हुन् ।

कञ्चनपुरको भीमदत्त नगरपालिका वडा नम्बर ३ का विपिन पढ्न इसराइल गएका थिए । इसराइलमाथि आक्रमण हुँदा जोशीलाई हमासले नियन्त्रणमा लिएको थियो ।

छोरालाई स्वदेश फर्काउन पहल गरिदिन विपिनका आमा–बुवाले प्रधानमन्त्री दाहाललाई आग्रह गरेका छन् । जवाफमा प्रधानमन्त्री दाहालले सरकारका तर्फबाट विपिनको रिहाइका लागि पहल भइरहेको बताएका छन ।