नेपालमा टिकटक प्रतिबन्धप्रति एसिया इन्टरनेट कोअलिसनको आपत्ति

नेपालमा टिकटक प्रतिबन्धप्रति एसिया इन्टरनेट कोअलिसनको आपत्ति

काठमाडौँ । नेपालमा टिकटक प्रतिबन्ध लगाएको निर्णय प्रति एसिया इन्टरनेट कोअलिसनले आपत्ति जनाएको छ । सरकारले जारी गरेको सामाजिक सञ्जाल नियमन निर्देशिका र सामाजिक सञ्जालमा प्रतिबन्ध लगाउने गरेको निर्णयप्रति आपत्ति जनाउँदै एसिया इन्टरनेट कोअलिसन नामक व्यापार संघले सरकारलाई पत्र पठाएको हो ।

सन् २०१० मा ईबे, गुगल, नोकिया, स्काइप र याहूले संयुक्त रूपमा स्थापना गरेको यो संस्थाले एसिया प्रशान्त क्षेत्रमा सार्वजनिक नीतिका मुद्दाहरूलाई सम्बोधन गर्न र इन्टरनेट अर्थतन्त्रको विकासलाई सहज बनाउन सरकारी एजेन्सीहरूसँग पहल गर्दछ ।

गत डिसेम्बर ५ मा प्रधानमन्त्री पुष्पकमल दाहाल ‘प्रचण्ड’सहित सञ्चार तथा सूचना प्रविधि मन्त्री रेखा शर्मा, सचिव कृष्णबहादुर राउत र नेपाल दूरसञ्चार प्राधिकरणका अध्यक्ष पुरुषोत्तम खनाललाई संयुक्त रूपमा पठाइएको पत्रमा कुनै विस्तृत छलफल बिना नै निर्देशिका र प्रतिबन्ध लगाउने निर्णय लागू गरिएकोमा आपत्ति जनाइएको छ ।

लोकप्रिय