नेपाली सेनाले विभिन्न पदमा माग्यो १६० बढी कर्मचारी

काठमाडौं । नेपाली सेनाले विभिन्न पदहरुमा गरी १६० जनाभन्दा बढी कर्मचारी माग गरेको छ । सेनाको भर्ना छनौट निर्देशनालयले सूचना जारी गर्दै प्राविधिक, हवाई तथा विविध सेवा तर्फका पदिक तथा विल्लादार पदहरुमा खुला तथा समावेशी प्रतियोगिताद्वारा पदपूर्ति गर्ने दरखास्त आह्वान गरेको हो ।

सेनाले सैनिक स्वास्थ्य, सैनिक इन्जिनियरिङ, हवाई सम्भार, पण्डित, लेखा समूहमा गरी १६७ जना कर्मचारी माग गरेको हो । कर्मचारी माग गरिएको पदहरुमा मंसिर २९ गतेदेखि पुस २९ गतेसम्म दरखास्त आह्वान गर्न सकिने छ । दोब्बर दस्तुर बुझाइ माघ ६ गतेसम्म दरखास्त बुझाउन सकिने सेनाले जनाएको छ ।