उपत्यकामा निषेधाज्ञा हट्यो

काठमाडौं। काठमाडौं उपत्यकाभित्र गत बैशाख महिना देखि जारी निषेधाज्ञा शैक्षिक संस्था बाहेक अन्य क्षेत्रबाट हटेको छ। यसकाे साथै भिडभाड हुने सभा सम्मेलन, जुलुस लगायतका गतिविधि सञ्चालन नगर्न पनि काठमाडौं जिल्ला प्रशासन कार्यालयले अनुरोध गरेको छ।

काठमाडौं उपत्यकाभित्रका प्रमुख जिल्ला अधिकारीहरुको बैठकले पठन पाठन संचालन गरिने विद्यालयबाहेक अन्य क्षेत्रबाट पूर्णरुपमा निषेधाज्ञा हटाउने निर्णय गरेको छ।

उपत्यकाभित्रका ‘निषेधाज्ञा’ भन्ने शब्द हटाएका छौं। अब बाँकी क्षेत्रमा ताेकिएकाे स्वास्थ्य मापदण्ड पालना गरेर संचालन गर्न पाउनेछन्,’ काठमाडौं जिल्लाका प्रमुख जिल्ला अधिकारीले भने।

काठमाडौं उपत्यका लगायत देशभर कोरोना सङ्क्रमण बढ्दै गएपछि उपत्यकाभित्र वैशाख १६ गतेदेखि निषेधाज्ञा लागु गरिएको थियो।