कोशीको सभामुखमा राप्रपा नेता विष्ट निर्वाचित

काठमाडौँ । राष्ट्रिय प्रजातन्त्र पार्टीका प्रदेश सांसद अम्बरबहादुर विष्ट कोशी प्रदेशको सभामुखमा निर्वाचित भएका छन् ।

मंगलबार उपसभामुख सिर्जना दनुवारले विष्ट सभामुखमा निर्विरोध निर्वाचित भएको घोषणा गरिन् । प्रदेश सांसद भक्ति सिटौला र समर्थक प्रेमराज थामसुहाङ थिए ।

सत्तारुढ गठबन्धनले राप्रपालाई कोशीको सभामुख दिने निर्णय गरेको थियो । त्यसमा एमालेले पनि उम्मेदवारी नउठाएपछि विष्ट निर्विरोध भएका हुन् ।