सुर्खेतमा जारी राष्ट्रिय पुरुष भलिबलः सेमिफाइनल आज

सुर्खेत । कर्णाली प्रदेशको राजधानी सुर्खेतमा जारी राष्ट्रिय पुरुष भलिबल प्रतियोगितामा आज सेमिफाइनलका दुवै खेल हुने भएका छन् ।

बिहान १० बजे हुने पहिलो सेमिफाइनलमा सशस्त्र प्रहरीको एपीएफ क्लब र गण्डकी प्रदेश प्रतिस्पर्धा गर्दैछन् । साबिक विजेता समेत रहेको एपीएफ समूह ए को विजेता हो भने गण्डकी समूह बी को उपविजेता हो ।

यसैगरी दिउँसो एक बजे हुने दोस्रो सेमिफाइनलमा आर्मीले नेपाल पुलिस क्लबसँग खेल्नेछ । प्रतियोगिताको फाइनल खेल भोलि हुनेछ ।