त्रिविको उपकुलपति बन्न ४३ जनाले दिए दरखास्त

काठमाडौँ । त्रिभुवन विश्वविद्यालयको उपकुलपतिका लागि ४३ जनाले दरखास्त दिएका छन् ।सोमबार अपराह्न ४ बजेसम्म ४३ जनाले दरखास्त दिएका हुन् । त्रिविको उपकुलपतिका लागि मध्यपश्चिम विश्वविद्यालयका उपकुलपति प्रा. डा. नन्दबहादुर सिंह समेतले दरखास्त दिएका छन् ।

शिक्षा मन्त्रालय पुगेर उनले आवेदन दिएका हुन् । तत्कालीन प्रधानमन्त्री केपी शर्मा ओलीले १८ फागुन २०७६ मा सिंहलाई उपकुलपतिमा नियुक्त गरेका थिए ।

उनको कार्यकाल फागुनमा सकिँदै छ । त्यसअघि नै सिंहले त्रिविको उपकुलपति हुन दरखास्त दिएका हुन् । त्रिविका पूर्वउपकुलपति तीर्थ खनियाँ, पूर्वरजिष्ट्रार चन्द्रमणि पौडेल, कार्यवाहक उपकुलपति शिवलाल भुसालले पनि उपकुलपतिका लागि दरखास्त हालेका छन् ।