भिजिट भिसामा विदेश जान लागेका ८४ जनालाई विमानस्थलबाट फिर्ता पठाइयो

काठमाडौँ । अध्यागमन कार्यालयले भिजिट भिसामा विदेश जान लागेका ८४ जनालाई त्रिभूवन अन्तराष्ट्रिय विमानस्थलबाट फिर्ता पठाइएको छ । पछिल्लो २४ घण्टामा ८४ जनालाई फिर्ता पठाइएको त्रिभुवन अन्तर्राष्ट्रिय विमानस्थल अध्यागमन कार्यालयका प्रमुख गोगनबहादुर हमालले जानकारी दिए ।

भिजिटको उद्देश्य पुरा नभएका र कागजात नपुगेका यात्रुलाई विदेश जानबाट रोक लगाइएको अध्यागमन कार्यालयका प्रमुख हमालले जानकारी दिए । उनीहरू कतार, दुबई र बहराइन जान लागेका हुन् ।

भिजिट भिसालाई दुरुपयोग गरेर विदेश पठाउने र विदेशमा यात्रु बिचल्लीमा पर्न थालेपछि अध्यागमन विभागले कडाइ गरेको जानकारी दिएको छ ।