दूरसञ्चार प्राधिकरणको अध्यक्षका लागि दरखास्त आह्वान

काठमाडौँ । नेपाल दूरसञ्चार प्राधिकरणको अध्यक्ष पदमा नियुक्तिका लागि दरखास्त आह्वान गरिएको छ । सूचना तथा सञ्चार प्रविधि मन्त्रालयले आइतबार एक सूचना जारी गर्दै दरखास्त माग गरेको हो ।

इच्छुक र तोकिएको योग्यता पुगेका उम्मेदवारले आइतबार सूचना प्रकाशित भएको मितिले ७ दिनभित्र आवेदन दिन सक्ने सूचनामा उल्लेख छ । दूरसञ्चार प्राधिकरणमा यसअघि अध्यक्ष रहेका पुरुषोत्तम खनालले राजीनामा दिएसँगै उक्त पद रिक्त रहेको छ ।