त्रिविका उपकुलपति भुसालको कार्यकाल तिन महिना थप

काठमाडौँ । त्रिभुवन विश्वविद्यालयको कार्यवाहक उपकुलपति शिवलाल भुसालको कार्यकाल तीन महिना थप गरिएको छ । कुलपति एवम् प्रधानमन्त्री पुष्पकमल दाहाल प्रचण्डले भुसाललको कार्यकाल तीन महिना थप गरेका हुन् ।

यस अघि उपकुलपति प्रा.डा. धर्मकान्त बाँस्कोटाको कार्यकाल १६ कात्तिक २०८० मा सकिएको थियो । त्रिवि उपकुलपतिविहीन भएपछि १९ कात्तिकमा कुलपतिसमेत रहेका प्रधानमन्त्री प्रचण्डले शिक्षाध्यक्ष प्रा.डा. भुसाललाई उपकुलपतिको जिम्मेवारी दिएका थिए ।

हाल उपकुलपति छनोट समितिमा ४३ जनाले उम्मेदवारी दिएका छन् । उपकुलपति छनोटमा ढिलाइ हुँदा भुसालको तीन महिना अवधि थप गरिएको हो ।