एमाले संसदीय दलको बैठक बस्दै

काठमाडौं । नेकपा एमाले संसदीय दलको बैठक शनिबार (आज)बाट शुरु हुँदैछ । बैठक नयाँ बानेश्वरस्थित संसद् भवनको ल्होत्से हलमा मध्याह्न १२ बजे शुरु हुने सचेतक महेश बर्तौलाले जानकारी दिए । शनिबार र आइतबार चल्ने बैठकमा आगामी संसद्मा खेल्ने भूमिकाबारे छलफल हुने उनले बताए ।

‘सदनमा सांसदले कस्तो भूमिका निर्वाह गर्ने भन्ने लगायत विषयमा छलफल गर्न बैठक राखिएको हो’, उनले भने । संसद्को हिउँदे अधिवेशन यही माघ २२ गते अपराह्न ४ बजेका लागि आह्वान भएको छ ।