तिजकाे अवसरमा पशुपतिनाथको दर्शन गर्न पाइने

काठमाडौं,भदौ १८। यस बर्षको हरितालिका तीज पर्वमा हिन्दूहरुको आराध्यदेव पशुपतिनाथको दर्शन गर्न पाइने भएको छ । लामो समयदेखि कोरोना भाइरस महामारीको सन्त्रासका कारण सर्बसाधारण दर्शनार्थीहरुका लागि बन्द रहेको पशुपतिनाथ मन्दिरमा छिटै नियमित दर्शन एवं पूजा खुला गर्ने तयारी गरिएको छ ।

जिल्ला प्रशासन कार्यालय काठमाडौंले पशुपति क्षेत्र विकास कोषलाई कोभिड १९ को रोकथामका लागि तोकिएको स्वास्थ्य मापदण्ड पूरा गरेर मन्दिरमा दर्शनार्थीका लागि पूजा आजा खुला गर्न सकिने जनाएको छ । शुक्रबार जिल्ला प्रशासन कार्यालय काठमाडौंले विज्ञप्ति जारी गरी स्वास्थ्य मापदण्ड अपनाएर मन्दिरमा पूजाआजा गर्न सकिने जनाएको हो । यस सम्वन्धमा विकास कोषले पशुपतिमा सर्बसाधारणले नियमित पूजा सञ्चालन गर्ने सक्ने गरी खुला गर्न आवश्यक तयारी थालेको छ ।