आन्तरिक राजश्व विभागको महानिर्देशकमा बराल

काठमाडौं । आन्तरिक राजश्व विभागको महानिर्देशकको सहसचिव भुपाल बरालले जिम्बेवारी पाएका छन् ।
बराल यसअघि मन्त्रालयको वित्तीय क्षेत्र समन्वय महाशाखाको प्रमुखका रुपमा अर्थ मन्त्रालयमा कार्यरत थिए ।
विभागका महानिर्देशक रहेका दीर्घराज मैनालीलाई मन्त्रालयले सार्वजनिक ऋण व्यवस्थापन कार्यालयको प्रमुखमा फर्काइदिएका छन् । विभागको महानिर्देशक हुनुअघि मैनाली सार्वजनिक ऋण व्यवस्थापन कार्यालयको प्रमुख थिए ।
त्यसैगरी एयरपोर्ट भन्सार प्रमुख रहेका डा. टोकराज पाण्डेको मन्त्रालय सरुवा भएको छ । पाण्डेको सरुवा भएपछि सेवन्तक पोखरेललाई भन्सार विभागबाट विमानस्थल भन्सार कार्यालय, नारायण रिजाललाई बराल प्रमुख रहेको महाशाखाको जिम्मेवारी दिइएको छ ।