पारा ओलम्पिकमा नेपाललाई कास्य पदक

काठमाडौं । पारा ओलम्पिकमा नेपाली पारा तेक्वान्दो खेलाडी पलेशा गोबर्धनले कास्य पदक जितेकी छन् । फ्रान्सको पेरिसमा जारी पेरिस पाराओलम्पिकमा पलेशाले ‘के ४४ क्याटागोरी’ अन्तर्गत महिला ५७ केजीमुनी तौलमा कास्य जितेकी हुन् ।

पलेशाले सर्वियाकी मारिया मिसेभलाई १५–८ ले पराजित गरेकी हुन् । नेपाली खेलकुदको इतिहासमा ओलम्पिकमा आधिकारिक पदकजित्ने पहिलो खेलाडी बन्दै उनले कीर्तिमान रचेकी छिन् ।

पलेशाले शुक्रबार भएको पहिलो खेलमा भेनेजुएलाकी मोरालेसलाई ३१–० को फराकिलो अन्तरले पराजित गर्दै क्वार्टरफाइनल पुगेकीथिइन् ।