सुनको मूल्य २ हजार ६ सयले घट्यो, तोलाको १ लाख ४८ हजारमा कारोवार

काठमाडौं । नेपाली बजारमा सुनको मूल्य घटेको छ । सोमबार तोलामा एक लाख ५१ हजार ३ सय रुपैयाँमा कारोबार भएको सुनको मूल्यमङ्गलवार दुई हजार ६ सय रुपैयाँले घटेको हो ।

नेपाल सुनचाँदी व्यवसायी महासंघका अनुसार मङ्गलवार सुनको मूल्य प्रतितोला एक लाख ४८ हजार ७ सय रुपैयाँ कायम भएको छ ।

त्यस्तै, चाँदीको मूल्य पनि घटेको छ । यसअघि प्रतितोला एक हजार ८४५ रुपैयाँमा कारोबार भएको चाँदीको मूल्य मङ्गलवार तोलामाएक हजार ८२० रुपैयाँ मूल्य कायम भएको महासंघले जनाएको छ ।