स्याङ्जाको कालीगण्डकीमा खेल महोत्सव हुँदै
स्याङ्जा । जिल्लाको कालीगण्डकी गाउँपालिकाले ‘छैटौं अध्यक्ष कप तथा कालीगण्डकी खेल महोत्सव’ आयोजना गर्ने भएको छ । गाउँपालिकाको आयोजनामा महोत्सव हुने खेल महोत्सव तीन दिन सञ्चालन हुनेछ । यही मंसिर १४ देखि १६ गतेसम्म खेल सञ्चालन हुने गाउँपालिका उपाध्यक्ष तथा खेल महोत्सव मूल समितिका संयोजक साबित्रा कोइरालाले बताइन् ।
प्रतियोगितामा ७ खेलका २२ विधामा प्रतिस्पर्धा हुनेछ । करिब सात सय खेलाडी सहभागी हुनेछन् । एउटा वडाबाट ९८ जना खेलाडीले विभिन्न खेलमा भाग लिने उनले बताइन् । खेल महोत्सवमा फुटबल, क्रिकेट, भलिबल, ब्याडमिण्टन, टेबुल टेनिस, दौड, बुद्धिचाल प्रतियोगिता हुनेछ ।
खेल महोत्सवको तयारी पूरा भएको छ । महोत्सवको सञ्चार तथा सूचना प्रविधि मन्त्री पृथ्वी सुब्बा गुरुङले उद्घाटन गर्नेछन् । मंसिर १४ गते शुक्रबार बिहान १० बजे मिर्मी खेलमैदानमा खेलको उद्घाटन गर्ने कार्यक्रम रहेको कोइरालाले बताइन् । बेल्टारी खेल मैदानमा समेत खेल सञ्चालन हुने उनले बताइन् ।
कालीगण्डकी गाउँपालिकाले विगत सात वर्षदेखि अध्यक्ष कप तथा कालीगण्डकी खेल महोत्सव हुँदै आएको छ । यहाँका युवा र खेलाडीको मागअनुसार खेल महोत्सव संचालन गरेको गाउँपालिका अध्यक्ष खिमबहादुर थापाले बताए । लुकेर रहेका खेलाडीको प्रतिभालाई बाहिर ल्याउन महोत्सवका रूपमा विभिन्न खेल प्रतियोगिता आयोजना गरेको उनले बताए ।
- विराटनगर किंग्सलाई कर्णालीले ७ रनले हरायो
- कर्णाली याक्सविरुद्ध पहिले बलिङ गर्दै विराटनगर किंग्स
- सुदूरपश्चिमको लगातार तेस्रो जित, लुम्बिनी तिन वटै खेलमा पराजित
- सुदूरपश्चिम रोयल्सविरुद्ध बलिङ गर्दै लुम्बिनी
- लुम्बिनी माथि पोखराको सानदार जित, आन्द्रेस गोसले हाने सतक
- एनपिएलमा कर्णालीको पहिलो जित, चितवनलाई ६ विकेटले हरायो
- चितवनले कर्णालीलाई दियो १३१ रनको लक्ष्य
- सुदूरपश्चिम रोयल्सको लगातार दोस्रो जित
- विरुवा गाउँपालिकामा राष्ट्रपति रनिङ शिल्ड प्रतियोगिता सुरु
- नेशनल चेम्बर अफ एग्रिकल्चर जापानले रोजगार परामर्श सेमिनार गर्दै
प्रतिकृया दिनुहोस्