शंखरापुर नगरपालिकाको एमाले वडा नेतृत्व सबै सर्बसम्मत

नेकपा एमालेको वडा अधिबेशन अन्र्तगत शंखरापुर नगरपालिकाको वडा अधिबेशन सर्बसम्मत रुपमा सम्पन्न भएको छ ।

गत शनिवार देसभरीनै एकै साथ आयोजना भएको वडा अधिबेशनमा शंखरापुर नगरपालिकाको सबै वडामा सर्बसम्मत रुपमा नेतृत्व चयन सम्पन्न भएको हो ।

नेकपा एमाले शंखरापुर नगर वडा न ९ का वडा सदस्य भाईकाजी श्रेष्ठले वडामा सर्बसम्मत रुपमा नेतृत्व टुङिएको बताउनु भएको छ ।

उहाले वडासँगै अव कार्तिक ९ गते हुने नगर अधिबेसन पनि सहमतिबाटै नेतृत्व टुङ्गिने गरि अगाडी बढेको जानकारी दिनुभयो ।

नेकपा एमाले शंखरापुर नगरपालिकाको कार्तिक ६ गते सम्पन्न वडा अधिबेशनले वडा नं १ मा प्रकाश दंगाल, २ मा बिनोद दंगाल, ३ मा राजेन्द्र प्रसाद तिवारी र ४ मा सरस्वती घलानलाई नेतृत्वको रुपमा सर्वसम्मत चयन गरेको छ।

साथै वडा नं ५ मा सुनिल पौडेल, ६ मा प्रेमकृष्ण श्रेष्ठ, ७ मा सुगन्धराम श्रेष्ठ, ८ मा देबकृष्ण के।सि र ९ मा भाईकाजी श्रेष्ठको नेतृत्व सर्वसम्मत चयन भएको हो ।

२०७४ सालको स्थानिय तहको निर्वाचनमा पहिलो शक्तिको रुपमा रहेको नेकपा एमालेले शंखरापुर मेयर, उपमेयर सहित ५ वडामा अध्यक्ष जितेको थियो ।

अबको निर्वाचनमा शंखरापुर पुरै एमालेमय हुने तथा एमाले राज्यको पहिलो शक्तीको रुपमा उदाउने वडा न ९ का वडा सदस्य भाईकाजी श्रेष्ठले दावी गर्नु भयो ।

उहाले भन्नुभयो “परमआदेशले बनेको बिदेसी दलालहरुको सरकार धेरै दिन टिक्दैन । अबको नेपालको भविष्य एमाले हो र त्यस्को बिकल्प छैन ।”