एकाविहानै सालीले भेनामाथि लगाइन् गम्भीर आरोप

काठमाडौ । आज विहान लाजिम्पाटस्थित अनौठो दृष्य देखियो । एक युवा र एक युवतीले अर्का अधवैंशे पुरुषलाई लछार पछार गर्दै थिए । ती पुरुष पनि चक्कु देखाउँदै प्रतिरक्षा गर्दै थिए ।
बल्ल तल्ल फुत्किएर ती अधवैँशे पुरुष आफूँलाई बचाउन आग्रह गर्दै नजिकै रहेको प्रहरीको शरणमा पुगे ।
आखिर किन यस्तो भयो ? प्रत्यक्षदर्शीहरु कसैले पनि पत्तो पाएनन् ।
ज्यान बचाउन भागेका ती पुरुषलाई प्रहरीले सोध ‘के भयो ?’
आत्तिदैँ ती पुरुषले भने–‘मलाई मार्न लाग्यो । मेरो ज्यानको सुरक्षा गरिदिनुप¥यो हजुर ।’
ती पुरुषलाई लखेट्दै आएका युवा युवती पनि प्रहरी सामू आएर युवतीले भने –‘यसले मलाई बलात्कार ग¥यो ।’
एक छिन् त प्रहरी पनि अलमलमा प¥यो ।
सुदुरपश्चिमतिर घर भएका ५१ वर्षीय ती पुरुष र युवती नातामा साली भेला पर्ने रहेछन् । तर दिदि भेनाको सम्बन्ध पनि टुटिसकेको रहेछ ।
गत आइतबार मात्र भेनाले सालीलाई खाजा खान जाउँ भन्दै राजधानीकै छेउछाउ जान अफर गरेपछि साली पनि गइनन् । सो रात साली भेनाले सँगै विताएछन् । युवती भन्छन् –‘त्यही दिन मलाई नशाको सुरमा बलात्कार ग¥यो ।’
ती पुरुष भन्छन्–‘मैले गल्ती गरेको छैन, कसुर प्रमाणित भए कानुनी कारबाहीको भागिदार हुनेछु तर, मेरो ज्यान सुरक्षित हुनुप¥यो ।’
यत्तिकैमा महानगरी प्रहरी प्रभाग सोह्रखुट्टेको प्रहरी टोली आएर उनीहरुलाई नियन्त्रणमा लिएको छ ।
(आरोपको पुष्टि नभईसकेकोले संलग्न पात्रहरुको नाम उल्लेख नगरेका हौं–सम्पादक)