पुतलीबजार नगरपालिका पूर्ण खोप सुनिश्चितता नगरपालिका घोषणा

स्याङ्जा । नगरपालिका स्तरीय खोप समन्वय समितिले कोभिड १९ विरुद्दको पूर्ण खोप सुनिश्चित नगरपालिका घोषणा कार्यक्रम आयोजना गरि पुतलीबजार नगरपालिकालार्इ कोभिड १९ विरुद्दको पूर्ण खोप सुनिश्चित नगरपालिका घोषणा गरेको छ ।
पूर्णखोप नगरपालिका सुनिश्चित गर्ने कार्यविधि निर्देशिका बमोजिम सम्पूर्ण प्रक्रियाहरु पुरा गरि सो नगरपालिका भित्र बसोबास गर्ने १२ वर्ष भन्दा माथिका सम्पूर्ण व्यक्तिहरुले कोभिड–१९ विरुद्दको पूर्ण खोप पाएको सुनिश्चित गरिएकोले नगरपालिकालाई पूर्ण खोप नगरपालिका प्रमाण पत्र प्रदान गरिएको हो ।
कार्यक्रमका प्रमुख अतिथि स्वास्थ्य तथा जनसंख्या मन्त्रालय, गण्डकी प्रदेशका सचिव डा. श्रीराम तिवारीले नगर प्रमुख सिमा कुमारी क्षेत्रीलाई पूर्ण खोप सुनुश्चित प्रमाणपत्र हस्तान्तरण गर्नुभएको थियो ।