रेडियो नेपालको बोर्ड सदस्यमा पोखरेल

काठमाडौ । गायक सिताराम पोखरेल रेडियो नेपालको रेडियो प्रसार सेवा विकास समितिको सदस्यमा पदमा मनोनित भएका छन् ।
सञ्चार तथा सूचना प्रविधि मन्त्रालयको मन्त्रीस्तरिय निर्णय अनुसार पोखरेललाई समितिको सदस्यमा दुई वर्षका लागि मनोनित गरिएको हो ।
रेडियो प्रसार सेवा विकास समिति गठन आदेश २०४१ को दफा २.क.को उपदफा २ (ग) बमोजिम गायक पोखरेललाई रेडियो प्रसार सेवा विकास समितिको सदस्यमा मनोनित गरिएको हो ।
गायक पोखरेललाई मन्त्रालयका उपसचिव मुकुन्द शर्माद्वारा हस्ताक्षरित पत्रमा समितिको सदस्यमा मनोनित हुनु भएको वधाइ ज्ञापन गर्दै सफल कार्यकालको शुभकामना व्यक्त गरिएको छ ।
पोखरेल नेपाल आयल निगमका पूर्व निर्देशक तथा चर्चित गायक समेत हुन् ।