हुम्लाको सिमिकोटमा एक जना म्यादी प्रहरीको निधन

हुम्ला सदरमुकामको सिमीकोटमा एक जना म्यादी प्रहरीको निधन भएको हुम्ला प्रहरीले जनाएको छ । निधन हुनेमा सर्केगाड गाउँपालिका– ६ घर भई हाल सिमीकोटमा रहेका अन्दाजी ४५ वर्षिय जस बहादुर रोकाया रहेका छन् ।

जिल्ला प्रहरी कार्यालय हुम्लाका प्रहरी नायव उपरीक्षक कृष्ण राज ओझाका अनुसार सदरमुकामको माथिल्लो बजारमा आफ्नै साथीको कोठाका उनको निधन भएको हो । साथीको कोठामा झ्याल ढोका बन्द गरेर निधनभएको अवस्थामा उनको शव भेटिएको हो,’ओझाले भने ,‘ अहिलेसम्म निधनको कारण खुल्न सकिरहेको छैन ।’ घटनाबारे अनुसन्धान भइरहेको प्रहरीको भनाइ रहेको छ ।