पारस खड्का : मेरो जीवनकालमै नेपाल टेस्ट राष्ट्र बनोस् भन्ने चाहना

नारदमुनी सिग्देल, काठमाडौं ।

अन्तर्राष्ट्रिय क्रिकेटबाट सन्यास लिएका नेपालको पूर्वकप्तान पारस खड्काले आफ्नो जीवनकालमा नेपालले टेस्ट मान्यता प्राप्त गरोस् भन्ने चाहना रहेको भनेका छन् । आज काठमाडौंमा पत्रकार सम्मेलन गर्दै पूर्वकप्तान खड्काले नेपाललाई टेस्ट राष्ट्रको रुपमा हेर्न चाहेको बताए । उनले भने सन् २००५ मै नेपालले एकदिवसीय मान्यता पाएको भए म पनि अहिलेसम्म टेस्ट खेल्थेँ होला ।

तर, त्यसो भएन । मेरो अनफिल्ड जर्नी मात्रै सकिएको हो । उनले आफू क्रिकेटको व्यवस्थापनमा आउन चाहेको बताएका हुन् । उनले सबैको सहयोग र मिहिनेतले नेपाली क्रिकेट अहिलेको अवस्था सम्म आउन सफल भएको वताएका छन् ।