कालीगण्डकी गाउँपालिकामा खिम थापा विजयी

स्याङ्गजाको कालीगण्डकी गाउँपालिकाको अध्यक्षमा नेकपा एमालेका उम्मेदवार खिम थापा विजयी हुनुभएको छ । थापाले ६ हजार ७०० मत प्राप्त गर्दै विजयी हुनुभएको हो । उहाँको प्रतिस्पर्धी तथा नेपाली कांग्रेसका उम्मेदवार माया रानाले ५ हजार ५५ मत प्राप्त गर्नुभएको छ ।
गाउँपालिकाको पूर्व अध्यक्ष समेत रहनुभएका थापाले अघिल्लो कार्यकालमा दर्जनौं जनपक्षी काम गरेकै कारण उहाँ स्थानीय स्तरमा निकै लोकप्रिय जनप्रतिनिधिका रुपमा आफूँलाई उभ्याउन सफल हुनुभएको थियो ।
त्यस्तै उपमेयरमा समेत एमालेकै उपाध्यक्ष सावित्रि कोइरालाले राष्ट्रिय जनमुक्ति पार्टीका बम बहादुर लामिछानेलाई पछि पार्दै निर्वाचित हुनुभएको छ ।