सुन मुन्द्रे’ भनेर चिनिएका ठेकेदार घिसिङ पक्राउ

काठमाडौँ । ‘सुन मुन्द्रे’ भनेर चिनिएका ठेकेदार सुवास घिसिङलाई प्रहरीले पक्राउ गरेको छ । धनकुटाको पाख्रिबास घर भई काठमाडौंको गोकर्णेश्वर नगरपालिका–६ बस्ने ४८ वर्षीय घिसिङलाई पक्राउ गरिएको जिल्ला प्रहरी परिसर काठमाडौंका एसपी दिनेशराज मैनालीले बताएका छन् ।

असार २७ मा गोकर्णेश्वर–६ स्थित नयाँबस्तीमा उनले बागमती सभ्यता एकीकृत विकास समितिका कर्मचारी बलराम श्रेष्ठलाई कुटेको आरोप छ । फोहोर अनुगमन गर्न गएका श्रेष्ठलाई कुटेको आरोपमा प्रहरीले घिसिङलाई ज्यान मार्ने उद्योग सम्बन्धी कसुरमा मुद्दा चलाएको छ ।

फोहोरको विषयमा विबाद हुँदा घिसिङले उनलाई मुक्का प्रहार गरेका हुन् । घटनाबारे प्रहरी वृत्त बौद्धले अदालतबाट ३ दिनको म्याद लिएर अनुन्धान गरिरहेको छ ।