ज्यानमारालाई मुख्यमन्त्रीकाे स्वकीय सचिव बनाएपछि…‍‍‍‍

ज्यानमारालाई मुख्यमन्त्रीकाे स्वकीय सचिव बनाएपछि…‍‍‍‍

काठमाण्डौं भदाै ३० । लुम्बिनी प्रदेशका मुख्यमन्त्री कुलप्रसाद केसीका स्वकीय सचिव सुजित बिक बनेपछि यतिखेर स्थानिय जनमानसमा निकै विवाद सिर्जना भएको छ । उनलाई अदालतले १२ वर्ष अगाडि ज्यानमारेकाे अभियोगमा दोषी ठहर भई जेल सजाय भोगेका थिए तर, सोहि व्यक्तीलाई मुख्यमन्त्रीले स्वकीय सचिव नियुक्त गरेका छन् । १२ वर्ष अघि बुटवलका प्रचण्ड थैवको हत्या अभियोगमा १० वर्ष जेल सजाय पूरा गरेका बिक स्वकीय सचिवमा नियुक्त भएपछि लुम्बिनी सरकारप्रति नैतिकताको प्रश्न उठेको छ।

थैबको परिवारले बिकलाई मुख्यमन्त्रीले स्वकिय सचिव नियुक्ती गरेपछि गम्भीर आपत्ति जनाउँदै उनको राजीनामा माग गरेको छ । थैव परिवारले सोमबार बुटवलमा पत्रकार सम्मेलन गरी हत्यामा दोषी ठहर भई अदाललबाट सजाय तोकेअनुसार कारवाहीमा परेका ‘हत्यारा’ लाई मुख्यमन्त्री जस्तो उच्च र साझा व्यक्तिले स्वकिय सचिव नैतिकताविरुद्ध भएको भन्दै उनको राजीनामाको माग गरेको छ ।

बुटवलको हिलपार्क पुल नजिकै प्रचण्ड थैबलाई गोली प्रहार गरेको आरोपमा उनी १०६५ साल चैत १३ गते पक्राउ परेका थिए। हत्यामा दोषी ठहर भएपछि बिक १० वर्ष जेल चलान भएका थिए। तर, जेल जीवन बिताएर निस्केपछि उनी हाल मुख्यमन्त्रीको स्वकीय सचिवको रुपमा रहेका छन् ।

थैबकी आमा सुकन्या थैवले जेल जीवन बिताएको अपराधीलाई स्वकीय सचिव बनाएर आलो घाउँमा नुन चुक छर्किदिएको बताइन् । उनले रुँदै भनिन्, ‘छोरा मारिएको १३ वर्षसम्म जसोतसो कटाएका थियौँ, फेरि पनि आज १३ वर्ष जेलमा बसेको उपराधीलाई यहीँ बुटवलमा आएर मुख्यमन्त्रीले स्वकीय सचिवमा नियुक्त गर्नुभो। २०६५ सालमा परिवारलाई लागेको दुःख फेरी दोहोरिएर आउँदा ज्याँदै दुःख लागेको छ।’ खबर डिसीनेपालमा प्रकाशित छ ।

लोकप्रिय