लौका खेतीबाट एक सिजनमा चार लाखसम्मको आम्दानी

काठमाडौं । सुनसरीगढी गाउँपालिकाका किसानले लौका खेती गरी एक सिजनमा चार लाख रुपैयाँसम्म आम्दानी गर्दै आइरहेका छन् ।

वार्षिक २० हजार रुपैयाँमा सात कठ्ठा जग्गा भाडामा लिएर बीउ, खाद्यमल, पानी, खेती तयारी लगायत खेती र बारी व्यवस्थापनमा ५० हजार रुपैयाँ खर्चहुँदा पनि एक सिजनमा चार लाखसम्म आम्दानी हुने यहाँका किसानहरुको भनाइ रहेको छ । लौका सुरुमा प्रतिगोटा ८० रुपैयाँमा बिक्री गरेकामा अहिले २० देखि २५ रुपैयाँमा बिक्री हुँदा पनि चार लाख रुपैयाँ आम्दानी भइरहेको छ ।

भिरालो जग्गामा तीन महिनादेखि वर्षभरि फल्ने कदु खेतीबाट थोरै लगानीमा पनि धेरै आम्दानी गर्न सकिने किसानहरुले बताएका छन् ।