औपचारिक रुपमै फुट्यो एमाले : माधव समूहद्वारा आयोगमा नयाँ दल दर्ताको निवेदन

काठमाडाैँ-एमालेको माधव नेपाल समूहले नयाँ दल दर्ताका लागि निर्वाचन आयोगमा निवेदन दर्ता गराएका छन् ।

नयाँ पार्टीको नाम नेकपा एमाले (समाजवादी) र चुनाव चिह्न खुला किताब प्रस्ताव गरिएको नेता जगन्नाथ खतिवडाले बताए । नेता राजेन्द्र पाण्डेको नेतृत्वको टोली निर्वाचन आयोग पुगेर दल दर्ता निवेदन दिएको हो ।

निर्वाचन आयोगले प्रस्तावित नाम र चुनावचिन्हमा पार्टी दर्ता गर्न मिल्ने नमिल्ने ४५ दिनभित्र निर्णय गर्नेछ । सोही अनुसार कागजात माग गरेपछि बुझाईने नेता खतिबडाले जनाए ।