अवैध कलाकारको रुपमा अस्ट्रेलिया पुर्याउन लागेको भन्दै नेपाल संगीत उद्योग संघको कार्यालयमा छापा

काठमाडौँ । अनामनगर स्थित नेपाल सङ्गीत उद्योग सङ्घको कार्यालयमा नेपाल प्रहरीको मानव बेचबिखन ब्युरोले छापा मारेको छ । अस्ट्रेलिया हुने कार्यक्रममा गैर कलाकार लैजाने तयारी गरेको खबर बाहिर आए पछि ब्यूरोले छापा मारेको हो । ब्युरो वाट सादा पोसाकमा खटिएका ५ जना प्रहरीले कार्यालयमा छापा मारेका हुन् ।
यो संगै सङ्घका अध्यक्ष सूर्य बहादुर मगर विवादमा मुछिएका छन् । छापा मार्न आएको प्रहरीले कागजी मुचुल्का उठाएको छ भने यस बारे खान तलासी सहित अनुसन्धान अगाडि बढाएको जानकारी दिएको छ ।