जेलेन्स्की पुटिनसँग भेटवार्ता गर्नका लागि जनाए सहमति

काठमाडौं। युक्रेनी राष्ट्रपति भोलोदोमिर जेलेन्स्कीले युद्ध अन्त्यका लागि रुसी राष्ट्रपति भ्लादिमिर पुटिनसँग भेटवार्ता गर्नका लागि सहमति जनाएका छन् ।

अमेरिकी राष्ट्रपति डोनाल्ड ट्रम्पले सामाजिक सञ्जालमा युक्रेनले सिधै वार्ता गर्ने रुसको प्रस्तावलाई स्वीकार गर्न भनेपछि जेलेन्स्कीको अभिव्यक्ति बाहिर आएको हो ।
जेलेन्स्कीले रुस वार्ताको दिन अघि नै युद्धविरामका लागि तयार हुने कुरामा आफू आशावादी रहने बताएका थिए । शनिबार साँझ पुटिनले युद्ध शुरु भएयता पहिलो पटक युद्ध अन्त्यका लागि गम्भीर वार्ताका लागि युक्रेनलाई आह्वान गरेका हुन् ।

उनले स्थायी शान्तिको लागि यो पहिलो कदम भएको समेत प्रतिक्रिया दिएका थिए ।