बंगलादेशविरुद्धको टी-२० सिरिजमा पाकिस्तानको क्लीनस्वीप

काठमाडौं । पाकिस्तानले बंगलादेशविरुद्धको टी–२० सिरिज क्लीनस्वीप गरेको छ ।

गएराती सम्पन्न सिरिजको तेस्रो तथा अन्तिम खेलमा पाकिस्तानले बंगलादेशलाई ७ विकेटले पराजित गरेको हो । बंगलादेशले दिएको १९७ रनको लक्ष्य पछाएको पाकिस्तानले १७.२ ओभरमा ३ विकेट गुमाउँदै लक्ष्यपुरा गरेको थियो ।

पाकिस्तानको जितमा मोहमद ह्यारिसले १०७ रनको शतकीय पारी खेलेका थिए । त्यस्तै सैम आयुबले ४५ रन बनाएका थिए । यसअघि टस हारेर पहिला ब्याटिंग गरेको बंगलादेशले २० ओभरमा ६ विकेट गुमाउँदै १९६ रन बनाएको थियो । यो जितपछि पाकिस्तानले ३ खेलको सिरिजमा क्लीन स्वीप गरेको छ । यसअघि पाकिस्तानले पहिलो खेल ३७ रन र दोस्रो खेल ५७ रनले जितेको थियो ।