फर्निचर पसलमा आगलागी

काठमाडौं । झापा मोती बहादुर खड्काको टिनको छानो र टिनको घेराबेरा गरिएको एक तले घरमा सञ्चालन गरिएको फर्निचर मा आगलागी भएको छ । झापा अर्जनुधारा नगरपालिका ११ मा बसपार्कस्थित रहेको छ ।

आगलागीबाट १२ लाख रुपैयाँ बराबरको धनमाल क्षति भएको प्रहरीले जनाएको छ । आगलागीबाट काठ चिर्ने मेसिन र काठहरु पूर्णरुपमा जलेको छ ।

अस्थायी प्रहरी पोष्ट बसपार्कबाट प्रहरी सहायक निरीक्षक नोरजंग लामाको कमाण्डमा टोली आगो लागेको सुचना पाउनासाथ खटिएको थियो।

प्रहरी र स्थानीयले बिर्तामोड नगरपालिकाको दमकलको सहयोगमा राति करिब साढे १२ बजेतिर आगो निभाएका थिए । आगलागी विद्युत् सट भएर हो वा अन्य कारण भने खुलेको छैन ।