पक्की पुुल निर्माण सम्पन्न

काठमाडौं । भोजपुरस्थित चिरखुवा खोलामा पक्की पुुल निर्माण सम्पन्न भएको छ । उक्त पुल निर्माणमा रु पाँच करोड ६२ लाखको लागतमा खर्च भएको छ । सो पुुल २० दशमलव ६० मिटर लामो रहेको छ ।

पूर्वाधार विकास कार्यालयमार्फत निर्मित पुलबाट षडानन्द नगरपालिका र साल्पासिलिछो गाउँपालिकाका सर्वसाधारणलाई सहज भएको छ । पुुल निर्माणको लागि रकम भने कोशी प्रदेश सरकारले उपलब्ध गरेको हो ।

पूर्वाधार विकास कार्यालयका प्रमुख राजनराज रेड्डीका अनुसार षडानन्द नगरपालिका १ र ५ लाई जोड्ने चिरखुवा खोलामा पुल बनेपछि यी वडाका बासिन्दा ११ किलोमिटर घुमेर दिङ्ला पुग्नुपर्ने बाध्यताबाट मुक्त भएका छन् । पुलमा हल्का सवारी साधन पनि सञ्चालन भएका छन् । जिल्ला सदरमुकाम पुग्न सहज भएको छ ।