सरकारी कार्यालयका कर्मचारीलाई खाजा खान आधा घण्टा समय

काठमाडौं । देशैभरका सरकारी कार्यालयमा खाजा खाने समय आधा घण्टामा तोकिएको छ । प्रधानमन्त्री केपी शर्मा ओलीले आइतबार रातिफेसबुकमार्फत सरकारी कार्यालयमा खाजा खाने समय घटाइएको जानकारी दिएका हुन् ।

एक घण्टाबाट घटाएर आधा घण्टा बनाएको जानकारी उनले दिएका छन् । खाजा खाने समय दिउँसो १:३० बजेदेखि २ बजेसम्म कायमगरिएको छ ।

‘सरकारी कार्यालयमा कर्मचारीहरूको खाजा समय लामो हुँदा सेवाग्राहीलाई असर परेको गुनासो सुनिँदै आएको छ’, उनले लेखेका छन्, ‘खाजा पनि खानुपर्छ । तर खाजा खाने नाममा धेरै समय कार्यालयको काम रोकिनु हुँदैन ।’

प्रधानमन्त्री ओलीले नयाँ नियम उल्लंघनगरेको भेटिए ‘हेलो सरकार’मार्फत उजुरी दिन आग्रह गरेका छन् ।