धारिलो हतियार प्रहार गरी एक वृद्धको हत्या

काठमाडौँ । रौतहटमा धारिलो हतियार प्रहार गरी एक वृद्धको हत्या भएको छ । अज्ञात समूहले गौर नगरपालिका–५, कोइरी टोलका ७४ वर्षीय अनिरुद्ध महतोको धारिलो हतियार प्रहार गरेर हत्या गरेको हो ।

महतोको बुधबार बिहान मृत फेला परेको जिल्ला प्रहरी कार्यालय रौतहटका प्रहरी उपरीक्षक दिलिप घिमिरेले जानकारी दिए ।

उनका अनुसार महतोको शव घरभन्दा दुई सय मिटर टाढा धान खेतमा फेला परेको थियो । घटनाबारे थप अनुसन्धान भइरहेको प्रहरीले जनाएको छ ।