मर्स्याङ्दी बस दुर्घटनाः १२ घाइतेलाई काठमाडौं ल्याइयो, १४ जनाको मृत्यु भएको पुष्टि

तनहँ । तनहुँ स्थित मर्स्याङ्दी नदीमा बस खसेर दुर्घटना हुँदा घाइते भएकामध्ये १२ जनालाई थप उपचारका लागि काठमाडौं ल्याइएको छ ।

मेडिकल टिमसहित गएको नेपाली सेनाको हेलिकप्टरले उनीहरुलाई उपचारका लागि काठमाडौंस्थित त्रिवि शिक्षण अस्पताल ल्याएको सैनिक जनसम्पर्क तथा सूचना निर्देशनालयले जनाएको छ । निर्देशनालयका अनुसार थप दुई घाइते लिन हेलिकप्टर पुनः घटनास्थलतर्फ गएको छ ।

शुक्रबार बिहान ११ बजेर ४० मिनेटमा पोखराबाट काठमाडौं आउँदै गरेको भारतीय नम्बरको बस तनहुँको आँबुखैरेनी गाउँपालिका २ ऐनापहरास्थित मर्स्याङ्दी नदीमा खसेर दुर्घटना भएको थियो । ४१ यात्रु सवार बस दुर्घटनामा हालसम्म १४ जना जनाको मृत्यु भएको प्रहरीले पुष्टि गरेको छ ।