महिला परराष्ट्र मन्त्रीहरूको सम्मेलनमा सहभागी हुन क्यानडा जाँदै मन्त्री राणा

काठमाडौँ । महिला परराष्ट्रमन्त्रीहरूको सम्मलेनमा सहभागी हुन परराष्ट्रमन्त्री डा. आरजु राणा देउवा क्यानडा जाने भएकी छन् । उनी सोमबार क्यानडा जाने कार्यक्रम रहेको परराष्ट्रमन्त्रालयले जनाएको छ ।

क्यानडाको टोरेन्टोमा विश्वभरका महिला परराष्ट्रमन्त्रीहरू (वीमेन फरेन मिस्टर्स) को बैठक हुँदैछ । बैठकमा परराष्ट्रमन्त्री राणाले सम्बोधन गर्ने कार्यक्रम रहेको छ । सम्मेलनमा विश्वभरका २० जना महिला पराष्ट्रमन्त्रीहरूको सहभागिता हुँदैछ ।

उनी क्यानडाबाट संयुक्त राज्य अमेरिकाको न्यूयोर्कमा हुने संयुक्त राष्ट्रसंघको महासभामा सहभागी हुन जानेछिन् । परराष्ट्रमन्त्री देउवा असोज ४ गते न्यूयोर्क जाने कार्यतालिका रहेको छ ।