दसैँका लागि अग्रिम टिकट असोज १२ देखि खुलाउने तयारी

काठमाडौं । दसैँमा घर फर्किने यात्रुहरुको लागि अग्रिम टिकट बुकिङ असोज १२ गतेबाट खुल्ने भएको छ । यातायात व्यवस्था विभाग, नेपाल प्रहरी, ट्राफिक प्रहरी र यातायात व्यवसायीको संयुक्त बैठकले असोज १२ गतेदेखि अग्रिम टिकट बुकिङ खुला गर्ने निर्णय गरेको हो ।

यातायात व्यवस्था विभागका निर्देशक एवं सूचना अधिकारीका अनुसार शनिबार देखि अग्रिम टिकट बुकिङ खुल्ने बताए । काठमाडौं उपत्यकाबाट दसैँका लागि घर फर्किने यात्रुले अग्रिम टिकट काट्न सक्छन् ।

बैठकले अनलाइन प्लेटफर्ममार्फत अग्रिम टिकट काट्ने व्यवस्था व्यवसायीहरूले गर्नुपर्ने निर्णय गरेको छ । यस्तै, असोज १७ देखि कात्तिक १ गतेसम्म नारायणघाटदेखि काठमाडौंसम्म अत्यावश्यक ढुवानी गर्ने बाहेकका ट्रेलरलगायत ठूला सवारी साधनलाई निषेध गरिएको छ ।