हङकङ सिक्सेसः नेपालले भोलि अष्ट्रेलिया र त्यसपछि श्रीलंकासँग क्वार्टरफाइनल खेल्ने

काठमाडौँ । एक खेल खेल्न बाँकी रहँदै नेपाल हङकङ सिक्सेसको क्वार्टरफाइनलमा पुगेको छ । पहिलो खेलमा इङ्ल्याण्डलाई ६ विकेटले पराजित गरेको नेपाल आफ्नो समूहको अर्को टोली अष्ट्रेलियाले इङ्ल्याण्डलाई ३४ रनले पराजित गरेसँगै एक खेलअगाडि नै क्वार्टरफाइनल पुगेको हो ।

इङ्ल्याण्ड भने समूह चरणबाटै बाहिरिएको छ । सन्दीप जोराको कप्तानीमा रहेको नेपालले समूह चरणको अन्तिम खेल अस्ट्रेलियासँग भोलि (शनिवार) विहान खेल्नेछ । भोलि (शनिवार) दिउँसो हुने क्वार्टरफाइनलमा नेपालले श्रीलंकाको सामना गर्नेछ ।