भूकम्प पीडितको टहरामा पहिरो जाँदा एकै परिवारका ३ जनाको मृत्यु

जाजरकोट । जाजरकोटमा पहिरोले अस्थायी टहरा पुरिँदा एकै परिवारका तीन जनाको मृत्यु भएको छ । सोमवार बिहान जिल्लाको नलगाड नगरपालिका २ डाँडागाउँमा आएको पहिरोमा परी तीन जनाको मृत्यु भएको हो ।

भूकम्पले घर पूर्ण क्षति बनाएसँगै अस्थायी आवासमा बस्दै आएका तीन जनाको पहिरोमा परि मृत्यु भएको जिल्ला प्रहरी कार्यालय जाजरकोटका प्रहरी प्रमुख पुरुषोत्तम भण्डारीले बताए ।

घरमाथीबाट आएको पहिरोमा परी डाँडागाउँ बस्ने लाल बहादुर परियार, उनकी श्रीमती मनिषा विक, वर्ष दुईको छोरा शुभम परियारको मृत्यु भएको हो । प्रहरीले घटनास्थलबाट पहिरोमा पुरिएको अवस्थामा उनीहरुको शव निकालेको जनाएको छ ।