फुलह्याममाथि चेल्सीको कमब्याक जित

काठमाडौं । चेल्सीले फुलह्याममाथि जित हासिल गरेको छ ।

प्रिमियर लिग अन्तर्गतको गएराती सम्पन्न खेलमा चेल्सीले फुलह्यामविरुद्ध २–१ ले जित हासिल गरेको हो । यस खेलमा १–० गोलले पछि परेको चेल्सीले खेलको अन्तिम १० मिनेटमा खेलमा कमब्याक गर्दै जित हासिल गरेको थियो ।

चेल्सीको जितमा ट्रीक जर्ज र पेद्रो नेटोले एक एक गोल गरेका थिए । त्यस्तै फुलह्यामका लागि एलेक्स इओबीले शुरुवाती गोल गरेका थिए । यो जितपछि चेल्सीको प्रिमियर लिगमा ३३ खेलमा ५७ अंक भएको छ र लिगमा पाँचौं स्थानमा उक्लिएको छ । त्यस्तै फुलह्यामको भने ३३ खेलमा ४८ अंक रहेको छ ।