नयाँ बानेश्वरमा महिलाको शव अर्धनग्न अवस्थामा फेला

काठमाडौँ – काठमाडौँको मुख्य केन्द्र नयाँ बानेश्वरमा एक महिला मृत अवस्थामा फेला परेको छ। बिहीबार बिहान बानेश्वर बहुमुखी क्याम्पस नजिकै बग्ने बागमतीको बगरमा उक्त महिलाको शव अर्धनग्न अवस्थामा भेटिएको हो।

बिहान करिब साढे ६ बजेतिर स्थानीयले खोलामा मानिसको शव देखेपछि तत्काल प्रहरीलाई खबर गरेका थिए। बानेश्वर प्रहरी टोली गएर शव निकालेको छ। महिलाको पहिचान हुन सकेको छैन।बागमतीले बगाएर ल्याएर फलामे टेकोमा अल्झेको अवस्थामा शव भेटिएको महानगरी प्रहरी परिसर काठमाडौँका एसपि रमेश बस्नेतले दैनिक समाजलाई जानकारी दिए ।

यस घटनाबारे अनुसन्धान शुरु भइसकेको प्रहरी श्रोतले जनाएको छ।