दधिकोटबासीले पनि सार्वजनिक यातायातको सुविधा पाउने

भक्तपुर । सुर्यबिनायक नगरपालिका वडा नं. ४ दधिकोटका बासिन्दाले लामो समयको प्रतिक्षापछि सार्बजनिक यातायातको सुबिधा लिने भएका छन् भने यस क्षेत्रका बासिन्दा निकै खुसि भएका छन् ।
हिजो एक कार्यक्रमकाबिच स्थानीय, समाजसेवी र विभिन्न राजनीतिक दलका व्यक्तिहरुको उपस्थितमा सेवा शुभारम्भ गरिएको छ।

यसवडाका अध्यक्ष लछुराम न्यौपाने एवं जनप्रतिनिधिहरुको बिशेष पहल र यातायात व्यवसायिहरुको सहयोगमा वडाको समन्वयकारी भुमिकामा ५ वटा माइक्रोबस र मिनिबस सञ्चालनमा आउने भएका हुन् ।
त्यसोत उक्त यातायात सेवा १५ मिनेट समयको अन्तरमा तर्खगाल गाम्चा, हर्ष चोक, नयाँ ठिमी हुँदै रत्नपार्क सम्म चल्ने बताईएको छ ।
ब्यक्तिगत रूपमा आफ्नो सवारीसाधन नहुने यस भेगका सर्बसाधारण बासिन्दा र कलेजका विद्यार्थी सेवाबाट प्रत्यक्ष लाभान्वित हुने विश्वास लिएको छ ।