गण्डकी प्रदेश सभाको बजेट अधिवेशन जेठ ११ मा

काठमाडौं । गण्डकी प्रदेश सरकारले प्रदेशसभाको बर्खे (बजेट) अधिवेशन आगामी जेठ ११ मा बोलाउन प्रदेश प्रमुखसमक्ष सिफारिस गरेको छ ।

मंगलबारको मन्त्रिपरिषद् बैठकले जेठ ११ गते दिनको २ बजे अधिवेशन बोलाउन सिफारिस गर्ने निर्णय गरेको हो । यस अधिवेशनमा मुख्यतः आगामी आर्थिक वर्षको नीति तथा कार्यक्रम, बजेट प्रस्तुत र छलफल हुनेछ । प्रदेश सभाको पछिल्लो अधिवेशन दुई महिना चलेर गत चैत २६ मा अन्त्य भएको थियो ।