अभिनेता चन्दन रोक्काको निधन

काठमाडौं ।
अभिनेता तथा फिल्म निर्माता चन्दन रोक्काको आज बिहान शुक्रराज ट्रपिकल तथा सरूवा रोग अस्पताल टेकुमा निधन भएको उनका भाइ नवराज रोक्काले बताएका हुन् । एक साताअघि उनको कोरोना रिपोट नेगेटिभ आएको थियो तर कोरोना रिपोट नेगेटिभ आए पनि स्वास्थ्यमा समस्या देखिएको कारण उनको आइसियूमै उपचार भइरहेको थियो ।

चन्दागिरि–१ दहचोकका ५९ वर्षीय रोक्काका दुई छोरा र श्रीमती छन् । घर, संघर्ष लगायत थुप्रै सिरियल अभिनय गरेका रोक्काले ‘पिरती आफैं हुँदो रहेछ’, ‘प्रेम युद्ध’ लगायत केही फिल्ममा नायकको रूपमा समेत अभिनय गरेका थिए । उनले ‘प्रेम युद्ध’ निर्माण गरेका हुन् । उनको आजै दहचोकस्थित त्रिवेणी घाटमा अन्त्येष्टि गरिएको उनका भाईले बताएका हुन् ।उहाको निधनप्रति हार्दिक श्रद्धाञ्जली अर्पण गर्दछ ।