जनवादी गायक टुहुरेको स्वास्थ्य अवस्थाबारे अध्यक्ष दाहालको चासो

नेकपा९माओवादी केन्द्र०का अध्यक्ष पुष्पकमल दाहाल ‘प्रचण्ड’ले जनगायक जेवी टुहरेको स्वास्थ्य अवस्थाका बारेमा जानकारी लिनुभएको छ । यही भदौ १ गते ‘स्ट्रोक’ भएपछि उहाँ बल्खुस्थित बयोधा अस्पतालमा उपचाररत हुनुहुन्छ ।

अध्यक्ष दाहालले संविधानसभा सदस्यसमेत रहनुभएका टुहुरेको स्वास्थ्य उपचारमा कुनै पनि कसर बाँकी नराख्न चिकित्सकसँग आग्रह गर्नुभएको थियो । अध्यक्ष दाहालको सचिवालयका अनुसार वरिष्ठ जनवादी गायक टुहुरेको सम्पूर्ण उपचार खर्च सरकारको तर्फबाट उपलब्ध गराउन आफूले पहल गर्ने बताउनुभएको थियो ।